Шымкент соты блогер Руслан Жанпейісовті полиция талабына бағынбау ісі бойынша кінәлі деп танып, 4 тәулікке әкімшілік қамауға алды, деп хабарлайды Aqshamnews.kz тілшісі.
Сот шешімімен ол Қазақстан Республикасы Әкімшілік құқық бұзушылық туралы кодексінің 667-бабы 1-бөлігі (құқық қорғау органы қызметкерінің заңды талабына бағынбау) бойынша жауапқа тартылды. Судья қаулысына сәйкес, әкімшілік қамау мерзімі 2026 жылғы 22 сәуір күні сағат 21:44-тен бастап есептеледі.
Сонымен қатар, әкімшілік істі қозғау барысында жіберілген процессуалдық бұзушылықтарға байланысты инспектордың атына жеке қаулы шығарылды.
Айта кетейік, бұған дейін, 23 сәуірде, Шымкент соты Руслан Жанпейісовті осы іс бойынша ақтағаны хабарланған еді.