Криптовалюта бағасы бір тәулік ішінде 3,2%-ға өсіп, 105 мың доллардан асты,деп хабарлайды aqshamnews.kz
Бұған Израиль мен Иран бітімге келгені туралы хабар себеп болған.
Криптовалюта нарығының жалпы капитализациясы шамамен 9%-ға өсіп, 3,27 трлн долларға жетті. Соңғы тәулікте нарықтағы ең ірі 100 криптовалютаның ішінде ең жоғары өсім Sei блокчейнінің токені көрсетті. Оның бағасы 40%-дан астам өсті. Үш криптоактивтің ғана бағасы төмендегені байқалды: OKX криптобиржасының OKB токені 2%-ға арзандады, XAUT және PAXG шамамен 1%-ға төмендеді.
22 маусымда биткоин бағасы 98,4 мың доллардан төмен түсіп кеткен болатын.