Мемлекеттік кірістер комитетінің мәліметінше, бірнеше жерде жұмыс істеп, ай сайын жалпы табысы 3 миллион теңге немесе жыл сайынғы еңбекақысы 36 миллион теңгеден асатын қазақстандықтар осы сомадан 15% жеке табыс салығын төлеуге міндеттеледі.
“36 миллион теңгеге дейінгі табыстан 10% ұсталады. Ал 36 миллион теңгеден асатын сомадан қосымша 5% төлеуі қажет”, – деді комитет өкілі.
2026 жылдан бастап жаңа Салық кодексі бойынша жеке табыс салығының прогрессивті шкаласы енгізіледі:
🔶 10% – табыс 8 500 АЕК-ке дейінгі сомаға (2026 жылға 1 АЕК – 4 325 теңге, 8 500 АЕК – 36 762 500 теңге);
🔶 15% – 8 500 АЕК-тен асатын табысқа.
Комитет өкілінің сөзінше, бұл айына 3 миллион теңге табыс табатындарға қатысты. Жалақысы жоғары адамдар үшін салық ставкасы сәйкесінше өседі.