Мәжіліс төрағасы Ерлан Қошанов Мемлекет басшысының тапсырмасы бойынша еліміздің атынан Иран президенті Ибрахим Раисиді жерлеу рәсіміне барады.
Бұл ақпаратты Мәжілістің баспасөз қызметі растаған. Спикер бүгін Мәжілістің жалпы отырысына жартылай қатысты, деп хабарлайды Almaty-akshamy.kz.
Естеріңізге сала кетейік, Иранның сегізінші президенті Ибрахим Раиси 19 мамырдан 20 мамырға қараған түні тікұшақ апатынан қаза тапты.
Иран президентінің қазасына байланысты Қазақстан Республикасының Президенті Қасым-Жомарт Тоқаев Астанадағы Иран Ислам Республикасының елшілігіне барып көңіл айтты.