Алматы тұрғындары «Балқаш» жаңа резервуары туралы
Алматының Каменск үстірті шағын ауданында су тапшылығы мәселесі шешілді: тұрғындар үздіксіз сумен қамтамасыз етілді. Бұл Алматы әкімі Ерболат Досаевтың тапсырмасымен салынған «Балқаш» таза су резервуарын пайдалануға бергеннен кейін жүзеге асты, деп хабарлайды almaty-akshamy.kz
Каменск үстірті шағын ауданында 8 мың адам тұрады. Соның бірі Малковтар отбасы мұнда бірнеше жылдан бері тұрады. Татьяна Малкованың айтуынша, су тапшылығы мәселесі әсіресе, жазда қатты сезіледі.
«Біздің алапта су қысымы әлсіреді. Адам көбейді, барлығы бақшасын суарады, су жетпейді. Біз тау суын пайдаландық, кейде біздің шағын ауданға келген су таситын көліктен алып келдік. Екі жыл бұрын әкімдікте бізге жаңа су жинақтағыш құрылысының арқасында үздіксіз сумен жабдықталады деп уәде берген болатын. Нысан уәде етілгендей тез салынды. Біз су жүргізді, қысым өте күшті, бұған өте қуаныштымыз. Қала әкімі Ерболат Досаевқа атқарған жұмыстары үшін алғыс айтамыз», - деді ол.
Каменск үстіртінің тұрғыны Виталий Замараев сумен жабдықтау берілген сәттен бастап мәселенің шешілгенін атады.
«Бұрын бізде суық сумен қамтамасыз ету проблемасы болды. Қазір ешқандай мәселе жоқ, түнде өшпейді, күндіз су үнемі болады. Барлық тұрғын қуанышты, риза. Бізде жеке үй болғандықтан, бізге су көп қажет, бақшаны суарамыз, басқа да шаруашылық жұмыстарға су керек. Қабылданған шаралар үшін алғыс айтамыз, біз қазір жайлы жағдайда өмір сүріп жатырмыз», - деді тұрғын Виталий Замараев.
Тұрғынның бірі Лаура Құрманғалиева ойын айтты. «Алдыңғы кездесуде Алматы әкімі бізге, Ладушкин көшесінде тұратын тұрғындарға орталық сумен жабдықтауды жүргізуге уәде берді. Ладушкин көшесінің барлық тұрғынының атынан орындалған уәдеге ризашылығымызды білдіреміз, қазір бізге су келді. Судың қысымы жақсы, ешқандай мәселе жоқ», - деді ол.
Естеріңізге сала кетейік, Медеу ауданының жоғарғы жағын сумен жабдықтау жер үсті көздерінің әсер ету аймағында орналасқан. Бұған дейін бұл аумақ Алматы облысы Талғар ауданының құрамына кірген. 2013-2014 жылдары олар Алматы қаласының Медеу ауданына қосылды. Содан бері осы шағын ауданның тұрғындарын сапалы сумен және кәрізбен қамтамасыз ету мәселесі өзекті болып келген.
2022 жылы ұңғымалардағы су деңгейінің 2,5 есе – 150-ден 60 м3-ге дейін төмендеуіне байланысты жағдай ушығып кетті. Содан кейін қала әкімі тұрғындарды жер асты сумен жабдықтау көздеріне қосу бойынша алғашқы ауқымды жобаны жүзеге асыру туралы шешім қабылдады.
Құрылыс жұмыстары 2023 жылдың мамырында басталды. 6,9 мың текше метрге 5 резервуар, тәулігіне 7,3 мың текше метрге 3 ұңғыма салынды, 6,1 км жаңа магистральдық желі салынды. Сондай-ақ, ж қолданыстағы 8 ұңғыма қайта жаңартылып, жабдықтары ауыстырылды.
Қосымша құрылыс жұмыстары аяқталғаннан кейін Көлсай, Мұзтау және Юбилейный шағын аудандарына кезең-кезеңімен су беріледі. Соның нәтижесінде төрт шағын ауданның 20 мың тұрғыны тұрақты сумен қамтамасыз етіледі.