Шетел тағылымдамасы аясында «Адал азамат – Біртұтас тәрбие» бағдарламасы және «Балалар кітапханасы» жобасы шеңберінде жүзеге асырылып жатқан «Бір айда – бір кітап» бастамасы - жас ұрпақтың рухани-адамгершілік дамуын қолдауға бағытталған маңызды мәдени-ағартушылық жоба, – деп хабарлайды aqshamnews.kz тілшісі.
Осы жоба аясында «Кемел ұстаз құпиясы» кітабы бір ай көлемінде оқылып, талдау кеші ұйымдастырылды. Аталған кеш барысында кітаптың мазмұндық құрылымы, идеялық-концептуалдық негізі және тәлімдік-тағылымдық мәні жан-жақты сарапталды. Шығармада ұстаз тұлғасының кәсіби құзыреттілігі, рухани кемелдігі мен ұлттық құндылықтарды дәріптеудегі рөлі ғылыми-педагогикалық тұрғыда терең сипатталады.
Кештің құрметті қонағы — кітап авторы Нұрбол Мұратбек оқырмандармен мазмұнды сұхбат құрып, шығарманың жазылу тарихы мен негізгі идеялық ұстанымдары туралы кеңінен баяндады. Сонымен қатар, қаламгер өзінің басқа да көркем және танымдық еңбектерімен таныстырып, шығармашылық ізденісінің бағыт-бағдарын айқындап берді.
Іс-шара қатысушылардың сыни ойлау дағдыларын дамытуға, рухани құндылықтарды терең түсінуге және кітап оқу мәдениетін қалыптастыруға ықпал етті. Мұндай мазмұнды кездесулер өскелең ұрпақтың зияткерлік әлеуетін арттырып, ұлттық тәрбие кеңістігін нығайтуға қызмет етеді.