2026 жылдың 5 шілдесінде Көкшетау қаласындағы Kokshe Arena спорт кешенінде Akmola International Esports Cup 2026 халықаралық киберспорт турнирінің LAN-финалы өтті. Іс-шараның бас серіктесі «Қазақтелеком» АҚ болды.
Counter-Strike 2, Mobile Legends: Bang Bang, PUBG Mobile және Clash Royale атты төрт ойын түрінен өткен жарысқа Қазақстан, Қырғызстан, Өзбекстан, Тәжікстан және Түрікменстаннан келген 765 киберспортшы қатысты. Турнирдің жалпы жүлде қоры 5 000 000 теңге.
Турнир жеңімпаздары:
– Counter-Strike 2 – OMEGA
– Mobile Legends: Bang Bang – HOG RIDER
– PUBG Mobile – FREE MIGRANTS
– Clash Royale – Мирас Құсайынов (MIKO)
Іс-шара алаңында «Қазақтелекомның» брендтік аймағы ұйымдастырылып, жасанды интеллект негізіндегі бейнемониторинг жүйелері мен кәсіпкерлерге арналған бейнебақылау камералары таныстырылды. Финалдың құрметті қонақтары қатарында доданы Қазақстан Республикасы Президентінің көмекшісі Қуанышбек Есекеев пен Ақмола облысы әкімінің бірінші орынбасары Елдос Рамазанов тамашалады.
Іс-шараға «Қазақтелеком» АҚ атынан Корпоративтік бизнес дивизионының бас директоры Асқар Қайыров қатысты.
«Қазақтелеком дәстүрлі телеком-оператордан цифрлық өнімдер компаниясына қарай жүйелі түрде дамып келеді. Киберспорт – цифрлық технологиялар мен жастар аудиториясы табиғи түрде тоғысатын орта. Сонымен қатар, турнир барысында деректерді үздіксіз тасымалдауды және желілік инфрақұрылымның тұрақты жұмысын қамтамасыз еткен инженерлеріміздің еңбегін ерекше атап өткім келеді. AIEC 2026 турниріне қатысуымыз – еліміздің цифрлық экожүйесіне салынған инвестиция», – деді Асқар Қайыров.
Турнирді Qazaq Cybersport Federation Ақмола облысының Цифрландыру және мұрағат басқармасымен бірлесіп, Ақмола облысы әкімдігінің қолдауымен ұйымдастырды.