Бейжіңде өтіп жатқан Олимпия ойындарында мәнерлеп сырғанаудан латвиялық мәнерлеп сырғанаушы Денис Васильев қысқа бағдарламада қазақтың ұлы ақыны Абайдың «Айттым сәлем, қаламқас» әнімен өнер көрсетті, деп хабарлайды Аlmaty-akshamy.kz
Қазақ ақынының әнімен мұз айдынында қалықтаған Васильев қысқа бағдарлама сайысында 85,30 ұпай еншілеп, әзірге 7-ші орында келеді.
Енді ол 10 ақпанда еркін бағдарламада сынға түседі. Денис Васильев осыдан 4 жыл бұрын, яғни 2018 жылы бірінші рет Пхенчхан Олимпиадасына қатысқан болатын. Онда ол жарысты 19-орынмен аяқтаған. Бейжің - оның екінші Олимпиадасы.
