Бүгін Бейжіңде өтіп жатқан XXIV Қысқы Ақ Олимпиада ойындарында екі қазақстандық спортшы шаңғымен тұғырдан секіруден ресми жаттығуын бастайды, деп хабарлайды Аlmaty-akshamy.kz ҚазАқпаратқа сілтеме жасап.
Шаңғымен тұғырдан секіру. Ресми жаттығу
Сергей Ткаченко, Даниил Васильев
Басталуы: 16:00
Сондай-ақ, бүгін Олимпиада ойындарының ашылу салтанаты өтеді. Қазақстандықтар салтанатты рәсімді «Qazaqstan», «Qazsport» және «Хабар» арналарынан көре алады. Трансляция Нұр-Сұлтан уақытымен 17:55-те басталады.
Нұр-Сұлтан мен Бейжің арасындағы уақыт айырмашылығы +2 сағат. Олимпиаданың екінші жарыс күнінде қазақстандықтар шаңғымен тұғырдан секіруден кезекті ресми жаттығуға қатысады.
Жарыс уақыты Нұр-Сұлтан уақытымен көрсетілген.