Референдум тақырыбы көтерілгелі 400 күн өтіпті. Бұл кезеңде түрлі пікірлер айтылды - қарсылық білдірушілер өз дәйектерін ұсынуда, ал қолдаушылар, соның ішінде ғылым өкілдері мен атом саласының мамандары, өз аргументтерін келтіріп келеді. Әр тараптың өзіндік негіздемесі бар, және бұл пікірталас - қоғамдағы демократиялық мәдениеттің белгісі.
Бірақ қалай болғанда да, соңғы шешімді халық қабылдайды. Осы кезеңде біз әрбір дауыс берушінің пікірін ескеруіміз қажет. Халықтың таңдауына құрметпен қарап, ел болашағын анықтайтын шешімге бірге қатысуымыз - азаматтық парызымыз. Бұл маңызды таңдаудың ел келешегіне зор әсері болмақ, сондықтан жауапкершілікпен қарап, өз дауысымызды бердік. Ендігі жолымыз - ортақ мақсатымызды жүзеге асыру үшін біріге алға басу.