Бөтен біреудің мүлкін аса ірі мөлшерде ұрлаған күдікті Ресейден экстрадицияланды, - деп хабарлайды aqshamnews.kz.
Тергеу мәліметі бойынша ол 2015-2017 жылдар аралығында Астана қаласы банктерінің бірінің филиалының жетекші менеджері болып, 31 миллион теңгеден аса қаражатты иемденген.
Қылмыс жасағаннан кейін күдікті жасырынып, оған халықаралық іздеу жарияланған.
Былтыр маусымда іздеуде жүрген адам Ресей Федерациясының Мәскеу қаласында ұсталды. Қазақстан Республикасы Бас прокуратурасының сұрауы бойынша Қазақстанға экстрадицияланды. Ол тергеу изоляторына қамалған.
Бұл қылмысты жасағаны үшін мүлкін тәркілеп, жеті жылдан он екі жылға дейінгі мерзімге бас бостандығынан айыру жазасы қарастырылған.