Балқаш қаласындағы жағажай маңындағы Бертіс бұғазын тазалау жұмыстарына 2,6 млрд теңгеден астам қаржы жұмсау жоспарланып отыр, деп хабарлайды Aqshamnews.kz тілшісі.
Мемлекеттік сатып алу порталындағы мәліметке сәйкес, тапсырыс беруші – Қарағанды облысының табиғи ресурстар және табиғат пайдалануды реттеу басқармасы. Жоба аясында теңіз түбін тереңдету, лай шөгінділерін тазарту және жағалауды қорғау жұмыстары жүргізіледі.
Лот сипаттамасында:
«Бертіс бұғазын Балқаш қаласының жағажай маңында түбін тазарту және жағалауды қорғау жұмыстары. Жоспарлы сома – 2 661 092 049 теңге», – делінген.
Конкурсқа қатысуға алдын ала өтінім қабылдау 7-10 қазан аралығында өтеді.