Алматы қаласының ҚАЖ департаментіне қарасты №11 мекемесіне қуыршақ театры келді, деп хабарлайды Аqshamnews.kz.
Кәмелетке толмаған жазасын өтеуші жасөпірімдер Алматы қаласы мемлекеттік Қуыршақ театрының "Қуыршақ-думан" атты сахналық қойылымын тамашалады.
Тәрбиелік мәні зор спектакль бас бостандығынан айырылған жастарды бір сәтке серпілтіп тастады.
Театр артистері қойылымнан кейін балаларға қуыршақ өнері, оның қызығы, қыр-сыры туралы әңгімеледі.
"Мұндай тағылымды іс-шаралар бізге, әсіресе, аяғын жаза басып, сотты болған балаларға керек. Қуыршақ бейнелердің өзі оларды ізгілікке үндеп, адамгершілік қасиеттерге баули алады деп білемін. Бізге осындай танымдық, тәрбиелік, рухани кеш сыйлаған өнер өкілдеріне ризамыз. Жасөспірімдер ерекше меймандардың келгеніне қуанып қалды", — дейді түзеу мекемесі бастығының міндетін атқарушы әділет подполковнигі Н.Керебаев.