Оқу жылы басталғанда балаларға бірден күнделікті тәртіп орнату оңай емес. Осыған байланысты министрлік ата-аналарға бірнеше кеңес берді, - деп хабарлайды Аqshamnews.kz тілшісі.
Дұрыс ұйымдастырылған күн тәртібі пайдалы әдеттер қалыптастыруға, жүйке жүйесін нығайтуға және шаршауды азайтуға көмектеседі. Негізгі құрамдас бөліктері:
- Үй тапсырмаларын орындау;
- Белсенді ойындар және таза ауада серуендеу;
- Дұрыс тамақтану;
- Жас ерекшелігіне сай толық ұйқы;
- Қызығушылығына байланысты бос уақыт.
Үй тапсырмасы:
- 1–4 сынып оқушылары үшін – күніне 1,5–2 сағаттан аспау керек;
- 3–4 сынып оқушылары – 2 сағатқа дейін;
- Жоғары сынып оқушылары – 40 минут сайын үзіліс жасап, күніне 3–4 сағатқа дейін.
Тамақтану:
Денсаулық сақтау министрлігінің мәліметінше, бала күніне 4–5 рет, 3,5–4 сағаттан аспайтын аралықпен тамақтануы керек.
Бос уақыт:
Мамандар балаларға шығармашылықпен айналысу немесе хобби үшін күніне кем дегенде 1–2 сағат бос уақыт бөлуге кеңес береді.