Ұшырылуы кейінге қалдырылған «Союз МС-23» кемесін ғарышқа жіберу туралы шешім қабылданды, хабарлайды Almaty-akshamy.kz ҚазАқпаратқа сілтеме жасап.
Халықаралық ғарыш стансасының құрамына кіретін екі ресейлік кемелердің бұзылуынан кейін "Роскосмос" комиссиясы жаңа «Союз МС-23» ғарыш кемесін ұшыру алдында төтенше жағдайлардың барлық ықтимал себептерін тексеруге уақыт бөлгендіктен, ұшыру кейінге қалдырылған.
«11 ақпанда халықаралық ғарыш стансасында болған «Прогресс МС-21» жүк кемесі жылуды басқару жүйесіндегі қысымды төмендеткеннен кейін "Роскосмос" кәсіпорындарының мамандары алынған телеметриялық ақпарат пен кеменің сыртқы бетінің суреттерін мұқият талдады. Сондай-ақ олар Байқоңырдың 254-ші учаскесінің монтаждау-сынақ корпусында орналасқан «Союз МС-23» ғарыш кемесіндегі радиаторды егжей-тегжейлі тексеріп, одан ешқандай ақау тапқан жоқ», - деп хабарлайды "Роскосмостың" баспасөз қызметі.
Нәтижесінде бас конструкторлар кеңесі мемлекеттік комиссияға іске қосуды ұсынды. «Союз-2.1а» зымыран-тасымалдағышын «Союз МС-23» ұшқышсыз ғарыш кемесімен ұшыру 2023 жылғы 24 ақпанда Астана уақыты бойынша сағат 06:34-те Байқоңыр ғарыш айлағының 31-ші алаңынан ұшырылады деп жоспарланған.