Алматы қаласының өңірлік коммуникациялар қызметі қалалық және республикалық БАҚ арасында «Алматы қаласының әлеуметтік-экономикалық дамуы» тақырыбында үздік қалам тербегендерге арнап байқау жариялайды.
2023 жылғы 1 маусымнан бастап 2024 жылғы 31 мамырға дейін (қоса алғанда) аталымдар бойынша эфирге шыққан немесе БАҚ пен әлеуметтік желілерде жарияланған жұмыстар қарауға қабылданады.
Өтінімдер мен материалдар 2024 жылдың 23 мамырынан бастап (қоса алғанда) қабылданады.
Өтінімдер мен жұмыстарды (материалдарды) қабылдау 2024 жылдың 21 маусымында (қоса алғанда) аяқталады.
Негізгі аталымдар мемлекеттік және орыс тілдерінде:
1) «Үздік журналист-сарапшы» - мерзімді басылымдардағы сараптамалық материалдар;
2) «Үздік шолушы» - Алматының әлеуметтік-экономикалық дамуы туралы интернет-басылымдардағы материалдар.
Қазақ және орыс тілдеріндегі қосымша аталымдар:
1) «Үздік радиорепортаж» - Алматыға арналған радиосюжеттер;
2) «Үздік телесюжет» - қала өмірі туралы телесюжеттер;
3) «Үздікмобилограф» - мегаполис өмірі туралы видеороликтер;
4) «Үздік фоторепортаж» - Алматы туралы фотожұмыстары;
5) «Әлеуметтік желідегі үздік материал» - арнайы аталым әлеуметтік желілердегі, (Facebook, Instagram, TikTok) танымал топтар мен пабликтер өтініш бере алады.
Конкурсқа қатысу үшін ағымдағы жылдың 21 маусымына дейінгі аралықта Алматы қаласының өңірлік коммуникациялар қызметінің [email protected] электрондық мекенжайына өтінімді (өтініш берушінің аты-жөні, БАҚ атауын, материалдың электрондық нұсқасын және материалға сілтемені (бір өтініш берушіден 3 материалдан артық емес), нақты аталымды, байланыс деректерін көрсетіп) «Байқауға қатысу үшін» деп белгілеп жіберу қажет. Байланыс нөмірі +7 708 973 4655
Байқау жеңімпаздары әр санатта бағалы сыйлықтармен және грамоталармен марапатталады.