Германиядағы танымал McDonald’s жылдам тамақтану желісі қасиетті Рамазан айында өз жарнамалық науқанын өзгертті, – деп хабарлайды aqshamnews.kz тілшісі.
Бұл туралы islam.kz порталы IslamNews ақпарат көзіне сілтеме жасап хабарлайды.
Қазіргі уақытта күндізгі уақытта цифрлы жарнама тақтайшаларында тағам бейнесі көрсетілмейді. Тек күн батқаннан кейін ғана мәзір элементтері экранда көрініс табады. Күндізгі уақытта бренд қаптамалары бос немесе жабық күйде бейнеленеді. Мұндай өзгеріс ауыз бекітіп, ораза ұстаған адамдарға құрмет көрсету мақсатында енгізілген.
Бұл шешімді Германиядағы Scholz & Friends агенттігі әзірледі. Ол McDonald’s-тың дәстүрлі визуалды элементін уақытша жасыру арқылы ораза ұстаушыларға ыңғайлы әрі сезімтал маркетингтік тәжірибе ұсынады.
Компанияның бұл қадамы, сондай-ақ, бұған дейін Палестинадағы жағдайға байланысты мұсылмандар тарапынан жарияланған байкотқа да жауап ретінде қарастырылады. McDonald’s осылайша діни дәстүрге құрмет көрсетіп, қоғам алдындағы имиджін нығайтуға ұмтылып отыр.