Мектеп ғимараты Құлжа тас жолының оңтүстігінде орналасқан.
Бұған қоса 1500 орындық 2 жеке меншік мектеп салу жоспарланған, деп хабарлайды Almaty-akshamy.kz
«2023 жылы №48 мектептің 250 орындық қосымша құрылысын реконструкциялау және №131 мектепті сейсмикалық күшейту арқылы күрделі жөндеу жұмыстары аяқталды. «Жайлы мектеп» ұлттық жобасының аясында Құлжа тас жолының оңтүстігінде 2 мың орындық жаңа мектептің құрылысы басталды. Сонымен қатар, осы жылы «Думан» шағын ауданында (1200 орын) және Халиуллин көшесінде (300 орын) 1500 орындық 2 жеке меншік мектеп салу жоспарланған. Жобаларды іске асыру мерзімі – 2024-2025 жылдар. Сондай-ақ, биыл №35 мектепке 300 орындық, №99 мектепке 250 орындық және №131 мектепке 300 орындық қосымша құрылыс салу жоспарланған», деді Алматы қаласының әкімі Ерболат Досаев аудан халқымен кездесуінде.