Атырауда танымал блогер әлеуметтік желіде өзіне қатысты болған сұмдық оқиға туралы айтып берді, - деп хабарлайды Аqshamnews.kz тілшісі.
Істің мән-жайы
Блогердің айтуынша, ол Ыстамбұлға арналған турды жарнамалауға келісіп, өзі де 100 мың теңге алдын ала төлеген. Бірақ тур жүзеге аспаған. Ақшасын қайтаруды сұрағанда, ұйымдастырушылар тарапынан қорқыту мен қысым басталған.
Блогердің сөзінше, 3 қазанда турды ұйымдастырған қыз және оның құрбысы оны аңдып жүріп, "сөйлесеміз" деп көлікке отырғызған. Кейін олар зират маңына апарып, соққыға жыққан.
Полиция не дейді?
Атырау облыстық полиция департаментінің мәліметінше, 25 жастағы тұрғын 4 қазанда полицияға арыз түсіріп, таныстары ұрып-соққанын хабарлаған.
"Бұл дерек бойынша қылмыстық іс қозғалды. Күдіктілер анықталып, ұсталды. Тергеу жүріп жатыр: бейнебақылау жазбалары алынды, куәгерлерден жауап алынып жатыр, беттестіру шаралары жүргізілді. Істің тергеу барысы менің жеке бақылауымда", – деді Атырау облыстық ПД бастығы.