Атыраудағы "Жұмыскер" шағынауданында нөсерден кейін жол опырылып кетті, деп хабарлайды Аqshamnews.kz тілшісі Atyrau Online-ға сілтеме жасап.
Жол жиегінің бір бөлігі опырылып, жолдың шетінде терең шұңқыр пайда болған. Жүргізушілердің айтуынша, шұңқырды лай мен шалшық су жауып тұратындықтан, оны байқау қиын, көшеден өту қауіпті болып кеткен.
"Дер кезінде көрмей қалсаң, дөңгелегіңнен айырыласың. Күнде осы көшемен жұмысқа қатынаймыз. Жаңбыр жауса, жолды су шайып кетеді, бірақ ешкім жөндемейді. Жақында жолдың өзі де опырылуы мүмкін", - дейді атыраулық автокөлік жүргізушісі.
Тұрғындар мен жүргізушілер қалалық қызметтерден апатты учаскені шұғыл түрде топырақпен көміп, нығайтуды сұрайды.