Атырау қаласында орналасқан мейрамхана кешенінде ірі өрт шықты, деп хабарлайды Aqshamnews.kz тілшісі ҚР Төтенше жағдайлар министрлігінің баспасөз қызметіне сілтеме жасап.
Ведомствоның мәліметінше, оқиға сенбі күні Геолог ықшамауданында орын алған. Аққұлов көшесінде орналасқан екі қабатты мейрамхана кешенінің шатыры 500 шаршы метр аумақта өртенген.
Өрт сөндірушілер келген сәтте от екінші қабаттағы кафенің шатырын шарпыған. Мамандардың жедел әрекетінің арқасында тілсіз жау толықтай сөндірілді.
Қуанышқа орай, зардап шеккендер жоқ. Өрттің шығу себебі анықталып жатыр.