25 желтоқсан күні Атырау қаласының тұрғыны аға-жеңгесі мен олардың балаларының бір айдан астам уақыттан бері хабар-ошарсыз кеткенін айтып, арыз түсірген, - деп хабарлайды Aqshamnews.kz.
Қызылқоға ауданына қарасты Жангелді ауылының тұрғындары қараша айында үйлерінен белгісіз бағытта шығып кетіп, содан бері оралмаған.
— Полиция қызметкерлері олардың жүрген жерін анықтау үшін барлық қажетті шараларды қабылдап жатыр. Басқа өңірлердің полиция бөлімшелеріне де бағдарлама жіберілді. Қолда бар мәліметтерге сәйкес, ерлі-зайыптылар және олардың 33 және 35 жастағы екі ересек баласы елдің оңтүстік өңірлеріне бағыт алуы мүмкін, — деп хабарлады Атырау облысы полиция департаменті.
Аталған адамдардың жүрген жері туралы қандай да бір ақпарат білетін азаматтардан құқық қорғау органдарына 98-20-78, 98-20-88 нөмірлері арқылы хабарласу сұралады.