Ұлттық ядролық орталықтың бас инженері орынбасары Денис Зарваның айтуынша, атомдық реакторлар сыртқы және ішкі әсерлерге барынша тұрақты.
Олар қауіпсіздік деңгейлерімен — белсенді және пассивті жүйелермен жабдықталған, реактор қалыпты жұмыс режимінен шыққан жағдайда, жүйе оны оңтайлы күйге қайтарады, деп хабарлайды aqshamnews.kz.
Денис Зарва: "Қазіргі уақытта әлемде кеңінен қолданысқа енген және Қазақстанда да салу жоспарланып отырған 3+ буын реакторлары максималды қауіпсіз болып саналады және бұған дейінгі барлық жағымсыз тәжірибені ескерген. Ауыр апаттың пайда болу ықтималдығы есептелгенде, біз жиі 10^(-7) мәнін атап өтеміз. Бұл дегеніміз, мұндай апаттың ықтималдығы 10 миллион жылда бір рет болады деген сөз, ал реакторлардың қызмет мерзімі 60-80 жылды құрайды."
Атом энергетикасы — тек энергия көзі ғана емес, қауіпсіздік пен ұзақмерзімді тұрақтылықты қамтамасыз ететін тиімді шешім.