Алматы Қоғамдық кеңесінің отырысында экономист Акимжан Арупов Қазақстанда атом электр станциясының салынуынан туындайтын экономикалық артықшылықтарды атап өтті, деп хабарлайды aqshamnews.kz
— Қазақстанда соңғы үш жылда екінші рет маңызды әлеуметтік мәселе бойынша референдум өткізілмек. Бұл референдумда азаматтар өз пікірлерін білдіреді. Президент дұрыс айтқандай, біз әділетті Қазақстанды құрудың алдында тұрмыз және мұндай қадамдар әділетті қоғамның іргетасын қалайды. Мен экономист ретінде Қазақстан экономикасының дамуын, соның ішінде АЭС құрылысымен байланыстырамын. Әлемде шамамен 400-ге жуық АЭС бар, ал атомдық реактор біздің еліміз үшін жаңалық емес, – деді Акимжан Арупов.