Сенат депутаттары Нұрлан Бекназаров, Нұртөре Жүсіп және Айгүл Қапбарова «Оңтүстік» арнайы экономикалық аймағына барып, өңірлік «ONTUSTIK» телеарнасы ұжымымен, қалалық №11 аурухана қызметкерлерімен және «Бал Текстиль» ЖШС жұмысшыларымен кездесті, деп хабарлайды aqshamnews.kz.
Кездесу барысында атом энергетикасының даму мүмкіндіктері, оның болашағы мен Қазақстанның энергетикалық қауіпсіздігіне қосар үлесі талқыланды. Сенаторлар еліміздің бай уран қоры мен осыған сәйкес атом энергетикасын дамытудың артықшылықтары туралы баяндады. Бұл Қазақстанның қазбалы отынға тәуелділігін азайтуға және энергетикалық теңгерімді әртараптандыруға мүмкіндік береді.