Жан-Марк Янковичи, инженер және климат пен энергетика мәселелерін зерттеуші ғалым, қазіргі атом энергетикасының артықшылықтарын атап өтті, деп хабарлайды aqshamnews.kz
Оның айтуынша, төртінші буын реакторлары қарапайым басқару жүйелерімен қамтамасыз етілген, сондықтан қауіпсіздік мәселесіне алаңдаудың қажеті жоқ.
Ядролық энергетика — қазбалы отынға балама ретінде қоршаған ортаға көмірқышқыл газын шығармайтын қуат көзі. Бұл оны климаттың өзгеруімен күресте және парниктік газдарды азайтуда өте тиімді шешімге айналдырады. Әлемде экологиялық таза әрі тұрақты энергетикалық шешімдерді іздестіруде ядролық энергетика — басты баламалардың бірі.
Қазбалы отыннан бас тартып, атом энергетикасын дамыту — тек энергетикалық тәуелсіздік қана емес, сонымен қатар табиғатты сақтау үшін жасалған қадам. Қазақстан да болашақта тұрақты энергетикалық шешімдерді жүзеге асыру үшін атом энергетикасын дамыту арқылы жаһандық климаттың өзгеруіне қарсы тұруға үлес қоса алады.
Янковичи атап өткендей, бүгінгі атом станцияларының қауіпсіздігі жоғары деңгейде және олар экологиялық тепе-теңдікті сақтауға мүмкіндік беретін шешім болып табылады.