Достық үйінде өткен ардагерлермен кездесуде елдегі энергетикалық қауіпсіздікті қамтамасыз етудегі АЭС-тың рөлі талқыланды. Ақмола облыстық ардагерлер кеңесінің төрағасы Ермек Нұғманов бұл жобаның болашақ ұрпақ үшін маңызды екенін атап өтті:
"Аулада от жағып, тамақ дайындаған 90-шы жылдар әлі есімізде. Себебі жарық та, газ да болмаған еді. Электр энергиясы әлдеқашан өркениеттің ажырамас игілігіне айналды. Сондықтан оның қажеттілігін талқылаудың да керегі жоқ. Бүгінде елімізде жастар саны өсіп, туу көрсеткіші артып келеді, ал жұмыс орындары әлі де жетіспейді. Біз балаларымыздың жарқын болашағын қамтамасыз етуіміз керек. АЭС – бұл ертеңгі күнге деген сенім мен жұмыс беретін жоба," – деді ол.
Сонымен қатар, Штаб мүшелері Көкшетау қаласындағы №2 өрт сөндіру бөлімінің ұжымымен де кездесті. Депутаттар өрт сөндірушілердің ерен еңбегін айрықша атап өтті:
"Өрт сөндірушілер – заманымыздың заңғар батырлары. Олар күн сайын өзгені ойлап, өз өмірін қауіп-қатерге тігетін еңбек адамдары. Құтқарушылардың айтуынша, АЭС жаңа мүмкіндіктерге жол ашып, Қазақстанға өз пайдасын тигізеді."
Бұл кездесулер ел болашағы үшін маңызды шешім қабылдауда халықты ортақ мақсатқа біріктіруге және түсіністік орнатуға ықпал етеді.