ҚР Премьер-Министрінің бірінші орынбасары Роман Склярдың төрағалығымен инвестициялар тарту жөніндегі кеңестің кезекті отырысында Астана қаласының инвестициялық бағдарламасы бекітілді. Бағдарлама аясында қажетті түйінді салалар мен жобалар ұсынылды, деп хабарлайды aqshamnews.kz
Бұл бағдарлама инвестицияларға «тапсырыс» моделіне көшуді көздейтін өңірлердің инвестициялық бағдарламасының 17 мамырда мақұлданған тетігінің логикалық жалғасы болды. Астана осы модельді енгізу үшін пилоттық аймақ болып таңдалды.
Энергетика секторына инвестициялар тарту күн тәртібіндегі жеке мәселе ретінде қарастырылды. Энергетика саласына тартылатын инвестициялар аймақтың энергетикалық қауіпсіздігін арттыруға және инфрақұрылымын жақсартуға бағытталған.
Астананың инвестициялық бағдарламасы қала экономикасының дамуына жаңа серпін беріп, өңірлердің әлеуметтік-экономикалық дамуына үлес қосатын маңызды жобаларды қамтиды. Бұл бағдарламаның жүзеге асырылуы Астананы инвестициялар үшін тартымды әрі бәсекеге қабілетті аймаққа айналдыруға мүмкіндік береді.