Астанада микроавтобус пен маршруттық автобустың қатысуымен болған жол апатынан бір адам қаза тауып, тағы екеуі жарақат алды, деп хабарлайды Aqshamnews.kz тілшісі ПД-ға сілтеме жасап.
Оқыс жағдай 4 желтоқсанда кешкі уақытта болған. Алдын ала мәлімет бойынша, микроавтобус жүргізушісі рөлге ие бола алмай, аялдамада тұрған маршруттық автобусқа соғылған.
Жол-көлік оқиғасы салдарынан микроавтобус жүргізушісі оқиға орнында көз жұмды. Тағы екі зардап шегуші ауруханаға жеткізіліп, оларға қажетті медициналық көмек көрсетіліп жатыр. Қазіргі уақытта болған оқиғаның барлық мән-жайы анықталып, тергеу жүргізіліп жатыр.
Еске салайық, бұған дейін Алматыда BMW жүргізушісі рөлге ие бола алмай, жол жиегіне соғылып, аялдамада тұрған екі жаяу жүргіншіні қағып кеткен еді. Жарақаттанғандар ауруханаға жеткізілген.
