Астанада қара түсті Mercedes-Benz S450 (2024 ж.) автокөлігі аукционға қойылды. Бұл көлік бұған дейін алаяқтық ісі бойынша сотталған Перизат Қайратқа тиесілі болған, – деп хабарлайды aqshamnews.kz тілшісі.
Көліктің бастапқы бағасы шамамен 79,4 млн теңге. Өтінім қабылдау жалғасып жатыр, ал сауда 7 сәуірге жоспарланған. Қазіргі таңда көлікке шектеу қойылып, мүлкіне тыйым салынған.
Еске салайық, Перизат Қайратқа бастапқыда су тасқынынан зардап шеккендерге жиналған 1,5 млрд теңгеден астам қаржыны жымқырды деген айып тағылған. Кейін іс аясында келтірілген шығын көлемі ұлғайып, ол 10 жылға бас бостандығынан айырылған.