Турнирдің жүлде қоры 40 миллион теңге.
Динара Сәдуақасова Астанада халықаралық шахмат фестивалін өткізеді, деп хабарлайды Almaty-akshamy.kz
11 шілде мен 19 шілде аралығында елордада Астананың 25 жылдығына арналған "Астана жұлдыздары" халықаралық шахмат фестивалі өтеді. Жарысты қазақстандық спортшы, Әлем чемпионаттарының жеңімпазы Динара Сәдуақасова басқаратын Шахмат академиясы ұйымдастырады.
Турнирдің мақсаты – Қазақстанда шахматты спорт түрі ретінде танымал ету және дамыту, салауатты өмір салтын насихаттау, сондай-ақ жас спортшылардың шеберлігін арттыру, жас таланттарды іздеу. Фестиваль кезінде ұйымдастырылатын турнирлерге Қазақстанға әлемнің 16 елінен 800-ден астам адам шахматшы келеді деп күтілуде. Жүлде қоры рекордтық сома – 40 миллион теңгені құрайды.
Фестиваль аясында төрт турнир өтеді: ерлер мен әйелдер арасындағы Қазақстан Республикасы Кубогының кезеңі, әуесқойлар, балалар арасында және блицтен турнир. Жарысқа келетін балалардың арасында Екібастұз балалар үйінің тәрбиеленушілері де болады. Сонымен қатар, "ФИДЕ ұйымдастырушысы" (FIDE – ұлттық федерацияларды біріктіретін халықаралық шахмат федерациясы) атағын алу үшін семинар ұйымдастырылады.