ТЖД отпен ойнауға болмайтынын қатаң ескертті.
Сейсенбі, 9 мамырда, Астананы түтін аралас тұман басты. Оған көрші облыстардағы табиғи өрттер себеп болуы мүмкін. Себебі, Бурабай және Зеренді аймақтарында, сондай-ақ Павлодар облысында құрғақ шөп өртеніп жатыр. Бұл туралы Астана қаласының ТЖД мәлімдеді, деп хабарлайды Аlmaty-akshamy.kz.
Ведомство қала аумағында табиғи өрт тіркелмегенін атап өтті.
Төтенше жағдайлар департаменті ғимараттардың қасында өрт қоймауды, қоқыстарды жабуды, жанып жатқан темекі тұқылдарын тастамауды және балалардың сіріңкемен және отпен ойнауына жол бермеуді ұсынды.
От жағу, қоқыс пен тұрмыстық қалдықтарды жағу кезінде өрт қауіпсіздігі ережелерін бұзғаны үшін әкімшілік жауапкершілік қарастырылған.
