Мәжіліс депутаты Асхат Аймағамбетов әлеуметтік желідегі белсенділігіне қатысты жаңа шешім қабылдағанын айтты , - деп хабарлайды aqshamnews.kz тілшісі.
Оның айтуынша, бұл ойды үш жыл бойы таразылап, әріптестерімен талқылаған, барлық тәуекел мен мүмкіндікті есепке алған. Соның нәтижесінде биылдан бастап жеке YouTube-арнасын белсенді жүргізіп, көрерменге пайдалы контент ұсынуды жоспарлап отыр.
Депутаттың сөзінше, арнаның басты мақсаты – заңдарды халыққа түсінікті, қарапайым тілмен жеткізу. Яғни жаңа заң жобаларының не үшін қажет екені, азаматтарға берер пайдасы, сондай-ақ қабылданған нормалардың тәжірибеде қалай іске асатыны ашық түсіндірілмек.
Аймағамбетов арна мазмұны тек заң шығару тақырыбымен шектелмейтінін де атап өткен. Онда:
-
қабылданған заңдардың орындалу барысы,
-
партиялық бағдарламалар аясындағы жұмыстар,
-
өз тәжірибесіне сүйенген салалық талдаулар қамтылады.
Тақырыптарды кеңірек ашу үшін ол сарапшылар мен арнайы қонақтарды шақыруды көздеп отыр. Қазірдің өзінде арнада бірқатар архивтік материал бар, ал алдағы уақытта жаңа видеолар тұрақты түрде жарияланып тұрады.
