Журналист Айгүл Аханбайқызы өмірден өтті.
Айгүл Аханбайқызы 1972 жылы Алматы облысы, Ақсу ауданы, Ойтоған ауылында дүниеге келген.
1990-1995 жылдары әл-Фараби атындағы Қазақ Ұлттық университетінде журналистика мамандығы бойынша білім алды.
Еңбек жолын Алматы облыстық «Жетісу» газетінде тілші болып бастады, кейін «Жас алаш» республикалық қоғамдық-саяси газетінде, «Қазақ әдебиеті», «Айқын», «Халық сөзі», «Егемен Қазақстан» газеттерінде тілші, бөлім редакторы, бас редактордың орынбасары болып жұмыс істеді. Сондай-ақ «Оқырман күткен әңгіме» атты кітаптың авторы.
"Alatay Aqparat" әріптесіміздің мезгілсіз қазасына орай жақындарына қайғыра көңіл айтады.