Осыдан 10 жыл бұрын Ақтөбеде болған қанды теракт Қазақстан қоғамын қатты дүр сілкіндірген еді. Қару-жарақ дүкендері мен әскери бөлімге жасалған шабуылдан кейін сотталғандардың бір бөлігі өмір бойына бас бостандығынан айырылған болатын, – деп хабарлайды aqshamnews.kz тілшісі.
Tengrinews.kz мәліметінше, 2016 жылғы 5 маусымда радикалды топ Ақтөбеде бірнеше бірдей шабуыл ұйымдастырған. Алдымен олар қару-жарақ дүкендеріне басып кіріп, артынша әскери бөлім аумағына шабуыл жасаған. Оқиға салдарынан 25 адам қаза тауып, ел бойынша террористік қауіптіліктің «сары» деңгейі енгізілді.
Бұл іс бойынша жалпы 29 адам сотқа тартылған. Олардың ішінде жеті адам өмір бойына сотталса, тағы екеуі 25 және 22 жылға бас бостандығынан айырылған.
Tengrinews.kz редакциясының ресми сауалына жауап берген ІІМ Қылмыстық-атқару жүйесі комитеті сотталғандардың үшеуі – Айдос Жұбанов, Асхат Иманғалиев және Асхат Рахметовтің қайтыс болғанын хабарлаған.
Қалған сотталғандардың нақты қайда екені, қандай жұмыспен айналысып жүргені туралы мәлімет жария етілмеген.