Ақтөбеде салынып жатқан жеке үйден шыққан өрт жүк көлігіне тарады, деп хабарлайды Aqshamnews.kz тілшісі Төтенше жағдайлар министрлігінің баспасөз қызметіне сілтеме жасап.
Мәліметке сәйкес, оқиға «Поиск-2» бау-бақша ұжымының аумағында болған. Өрт құрылысы жүріп жатқан үйді, қасында тұрған жүк көлігін және маңайдағы құрғақ шөпті шарпыған.
Оқиға орнына жедел жеткен өрт сөндірушілер жеңіл автокөлікті аман алып шығып, газ баллонды сыртқа шығарған, осылайша ықтимал жарылыстың алдын алған. Сондай-ақ өрттің көрші аумақтарға тарауына жол берілмеді.
Жалын 150 шаршы метр аумақта толық сөндірілді.