Ақтөбедегі саябақта батутта ойнаған 8 жастағы бала ауыр жарақат алып, кейін мүгедек болып қалды. Сот батут паркінің қауіпсіздік талаптарын сақтамағанын дәлелдеді, деп хабарлайды Аqshamnews.kz тілшісі.
Оқиға 2024 жылы болған: бала дұрыс үрленбеген матрацқа секіріп, бірнеше жерден сүйегі сынған. Ота жасалғанымен жағдайы нашарлап, жансақтау бөліміне түскен. Кейін қайта операциялар жасалып, емін Астанада жалғастырған. 2025 жылдың қаңтарында оған III топ мүгедектігі тағайындалған.
Баланың анасы моральдық шығынды өндіруді талап етіп, сотқа жүгінген. Алғашқы сот батут паркінен 2 млн теңге өндірсе, апелляцияда парк балаларға қауіпсіз орта жасамағаны анықталып, өтемақы көлемі 7 млн теңгеге дейін ұлғайтылды.
Айта кетейік, бұған дейін бұл жағдай бойынша қылмыстық іс қозғалғанымен, кейін тоқтатылған.