Қазіргі кезде жолаушыларға ыстық тамақ жеткізілді.
Төтенше жағдай бүгін Біршоғыр станциясында болған.
Зардап шеккендер жоқ.
«Маневрлік локомотив «Бішкек-Самара» бағытында қатынайтын №317 жолаушылар пойызының тепловозымен соқтығысқан. Зардап шеккендер жоқ. Жолаушылар пойыз құрамындағы басқа вагондарға ауыстырылды", - деп хабарлайды «ҚТЖ ҰК» АҚ баспасөз қызметі.
Оқиға орнында Шалқар станциясының қалпына келтіру пойызының күшімен жұмыстар жүргізілуде. Оқиғаның орын алуы себептерін «ҚТЖ» ҰК» АҚ комиссиясы тексереді. Алдын алғы болжам бойынша – кінәрат маневрлік локомотив бригадасынан болған.
Қазіргі кезде рельстен шыққан «Бішкек-Самара» пойызының жолаушыларына ыстық тамақ жеткізілді. Оларды дәрігерлер де қарап шықты.