21 жастағы медбике 2023 жылдың желтоқсанынан бастап 2024 жылдың қыркүйегіне дейін көпсалалы облыстық балалар ауруханасының реанимация бөлімінде жұмыс істеген.
Өткен жылдың мамыр айында ол ауырып бастаған, ал қыркүйек айында оған ашық түрдегі туберкулез диагнозы қойылған.
«Алғашында ол ЖРВИ-мен ауырды, кейін екі рет пневмонияға шалдықты. Жалпы, ол үш рет ауруханаға жатқызылған. Жұмысқа орналасу кезінде медициналық қызметкердің денсаулығында ешқандай мәселе болмаған, әсіресе реанимация бөлімшесіне қабылдау кезінде бұл талап қатаң қадағаланады», — деп хабарлады облыстық денсаулық сақтау басқармасының баспасөз қызметі.
Қазіргі уақытта медбике қажетті ем алып жатыр. Ал оның 55 әріптесі диаскин-тест пен флюорографиядан өтіп, олардың арасында ауру анықталмаған.
Сондай-ақ медбике байланыста болған 700-ден астам баланы тексеру басталды.
