Ақтөбе облысында Темір қаласының әкімі өлі табылды, - деп хабарлайды Aqshamnews.kz.
Бұған дейін Telegram әлеуметтік желісінде әкім Еркін Далмагамбетовтің мәйіті 20 желтоқсанда кешке өз үйінің ауласынан табылғаны жайлы хабарланған еді.
Ақтөбе облыстық Полиция департаменті әкімнің қаза тапқаны туралы ақпаратты растады. Оқиға бойынша тергеу басталған.
"Полиция суицид дерегі бойынша сотқа дейінгі тергеу жұмыстарын бастады. Оқиғаның мән-жайы анықталып жатыр. ҚР ҚПК-нің 201-бабына сәйкес өзге ақпарат жарияланбайды", - деп хабарлады Ақтөбе облыстық Полиция департаменті.
Ресми деректерге сәйкес, қала әкімі ретінде Еркін Далмагамбетов 2024 жылдың маусымында Темір қаласының әкімі болып тағайындалған.