Ақтауда із-түзсіз жоғалған 38 жастағы Андрей Сотниченко Маңғыстау ауданының Жармыш ауылынан табылды, – деп хабарлайды aqshamnews.kz тілшісі.
Полиция ер адамның тірі екенін және денсаулығы жақсы екенін мәлімдеді.
Маңғыстау облыстық полиция департаментінің мәліметінше, Андрей Сотниченко 4 наурызға қараған түні шамамен сағат 02:00-де Жармыш ауылынан анықталған. Оны майор Бауыржан Айбеков тапқан.
Құқық қорғау органдары ер адамның жағдайы жақсы екенін, уақытша жұмыс табу мақсатында ауылға кеткенін хабарлады. Қазір ол Ақтауға қайтып келе жатыр.
Еске салайық, Андрей Сотниченконы таныстары іздестірген. Бір апта бойы көрінбей кеткен соң көршілері де алаңдаушылық білдірген.