Ақтауда жеңіл көлік жолдың жүру бөлігінде 15 жастағы жасөспірімді қағып кетті, деп хабарлайды Aqshamnews.kz тілшісі.
Оқиға 19А мен 33-шағынаудандардың арасында болған. Мәліметке сәйкес, жасөспірім жолды кесіп өтпек болған сәтте оны Toyota Corolla автокөлігі соққан.
Маңғыстау облысы полиция департаментінің баспасөз қызметі хабарлағандай, 1956 жылы туған жүргізушіге адамның денсаулығына зиян келтіруге әкеп соққан жол ережесін бұзу дерегі бойынша әкімшілік хаттама толтырылған.
Сондай-ақ көлік мамандандырылған айыппұл тұрағына қойылған.