Себебі қаланың орталық жылу жүйесінде күрделі жөндеу жүргізіледі.
Жауапты мамандар осындай шектеу шаралары арқылы алдағы жылу беру маусымына дайындық жасамақ. Каспий жағасындағы шаһарда жылу құбырларының 80%-і тозып тұр, деп хабарлайды Almaty-akshamy.kz 24.kz-ке сілтеме жасап.
Соның салдарынан өткен жылыту маусымында облыс орталығында 700-дей апат тіркелді. Айта кетсек, магистральды құбырдың жалпы ұзындығы – 44 шақырым. Бұған дейін ауқымды жөндеу жұмыстары жасалмаған.
«Бұған дейін бұл тек ішінара авариялық жағдай болғанда кетіп тұрған жерлерін оңдау, жөндеу жұмыстары жүргізілді. Ең негізгі жұмыстар енді басталып жатыр. Сол себептен қыста жылу мен ыстық сумен болғыңыз келсе, біз қазір жұмыс атқаруымыз керек. Жылыту маусымына дейін үлгеруіміз керек», - дейді облыстық Энергетика және ТҮКШ басқармасы басшысының орынбасары Серікқали Қанапин.