Қаза тапқандардың басым көршілігі Кентукки штатында тіркелген
АҚШ-тың бірнеше штатына табиғи дауыл соғып, салдарынан кем дегенде 79 адам қаза тапты, деп хабарлайды Almaty-akshamy.kz CNN телеарнасына сілтеме жасап.
Қаза тапқандардың басым көпшілігі, нақты айтар болсақ 70 адам Кентукки штатында көз жұмған. Торнадо негізінен осы мекенге соққы берген. Штаттың губернаторы Энди Бешир қаза тапқан адамдар саны әлі де ұлғаюы мүмкін екенін айтты.
Ал, Арканзас пен Теннесси билігі әр штата 30 адамнан қаза тапқанын жеткізді, Иллинойста табиғи дауыл екі жергілікті тұрғынынң өмірін жалмаған, Миссури штатында 84 жастағы кейуана қаза тапты.
Ең үлкен құйын 10 мың тұрғыны бар Мэйфилд қаласына соққы берген, салдарынан көптеген үй жарамсыз болып қалған, оған қоса өндіріс зауытының шатыры қирап, полиция бөлімі мен өрт сөндіру станциясы бүлінген.
«Адамдар бүгін қайда барып түнейтінін білмейді, дүйсенбі күні таңертең жұмысқа қалай барады. Бұл расымен де қиын жағдай болды»,-дейді қаланың мэрі Кэти Стюарт О`Нан.
Қаладағы жүздеген тұрғын зауытта жұмыс істеген әрі жаңа жылдық мейрам алдында жұмыс та өте көп болған.
Оның айтуынша, сондай-ақ қаланың әкімшілік кешені де қираған.
Торнадоның соғуынан электр қуаты да үзіліп, Теннесси мен Кентуккидегі 200 мыңнан астам адам жарықсыз қалған.