АҚШ-та әйгілі рэпер Шон Комбс, яғни P. Diddy ісі бойынша сот үкімі шықты, деп хабарлайды Aqshamnews.kz тілшісі.
Мәнхэттеннің аудандық соты музыкантты 4 жыл 2 айға бас бостандығынан айыруға және 500 мың доллар айыппұл төлеуге үкім етті. Сонымен қатар, ол түрмеден шыққаннан кейін бес жыл бойы бақылауда болады.
Айыптау тарабының мәліметінше, рэпер ұзақ жылдар бойы зорлық-зомбылықпен айналысқан қылмыстық топ ұйымдастырып, эскорт-қызмет көрсетушілерді есірткі әсерінде азғын әрекеттерге итермелеген.
P. Diddy екі бап бойынша – жезөкшелік ұйымдастыру ісі бойынша кінәлі деп танылды, бірақ адам саудасы және рэкет баптарынан ақталды.
Сот отырысында рэпер көз жасын тыя алмай, жәбірленушілерден кешірім сұрап, "бәрінен айырылдым, өзімді жек көремін" деп мәлімдеді. Оның балалары мен анасы сотта рақымшылық сұрап сөз сөйлеген.
Ақпарат көздерінің хабарлауынша, оған түрмеден жақсы мінез-құлық үшін мерзімінен бұрын босатылу мүмкіндігі бар — шамамен 2,5 жылдан кейін.
Айта кетейік, Шон Комбс 2011 жылы Алматыдағы №2 балалар үйіне барып, тәрбиеленушілермен кездескен болатын.