Сенбі, 26 шілдеде Қазақстанның бірқатар аймақтарында найзағай, бұршақ, жел күшеюі және шаңды дауыл күтіледі, деп хабарлайды Aqshamnews.kz "Қазгидромет" РМК дерегіне сілтеме жасап.
Синоптиктердің айтуынша, елдің оңтүстігі мен оңтүстік-шығысында өте қатты ыстық сақталады, ал солтүстік және орталық өңірлерде жаңбыр мен найзағай күтіледі.
Негізгі қалалардағы ауа райы:
-
Астана – Күн бұлтты, кей уақытта жаңбыр жауады, найзағай болады. Күндіз бұршақ түсуі мүмкін. Желдің екпіні 23 м/с дейін жетеді. Температура: түнде +15…+17°C, күндіз +26…+28°C.
-
Алматы – Аспан бұлтты, жауын-шашынсыз. Ыстық +36…+38°C. Жел – 3–8 м/с.
-
Шымкент – Аспан ашық, жауын-шашын жоқ. Күндіз аптап ыстық +38…+40°C. Жел – 8–13 м/с.
-
Қонаев пен Талдыкорғанда да аптап ыстық күтіледі: +40…+42°C.
-
Түркістан мен Қызылордада күн ашық, бірақ шаңды дауыл күтіледі. Температура +36…+40°C шамасында.
-
Жезқазған, Қарағанды, Көкшетау, Петропавл, Қостанай, Ақтөбе және Павлодар қалаларында жаңбыр, найзағай, кей жерлерде бұршақ және екпінді жел болжанып отыр.
-
Павлодарда күндіз бұршақ пен шквалды жел болуы мүмкін. Температура +33…+35°C.
-
Петропавлда кей жерде күшті жаңбыр мен бұршақ күтіледі.
-
Атырау мен Ақтауда жауын-шашынсыз, жел күшейеді. Күндізгі температура +30…+33°C.
-
Семей, Өскемен, Тараз және Орал қалаларында күн ашық, жауын-шашынсыз. Жекелеген қалаларда ауа температурасы +35…+39°C-қа дейін көтеріледі.
Сондай-ақ синоптиктер шілде айының жалпы ауа райы болжамын да жариялаған. 2025 жылдың шілдесі ел аумағында тұрақсыз ауа райымен ерекшеленеді. Көптеген өңірде өткінші жаңбыр, найзағай, бұршақ және екпінді жел күтіледі.