Тараз қаласында жол талғамайтын көлік жүргізушісі жол қозғалысы ережесін демонстративті түрде бұзған. Әлеуметтік желіде тараған видеодан кейін құқық бұзушы анықталып, әкімшілік жауапкершілікке тартылды, деп хабарлайды Aqshamnews.kz тілшісі.
Полицейлердің мәліметінше, мониторинг барысында жолдағы өрескел тәртіп бұзу фактісі тіркелген. Көлік иесі анықталып, азамат А. Әкімшілік құқық бұзушылық туралы кодекстің үш бабы бойынша жауапқа тартылған.
Жамбыл облысы полиция департаменті жүргізушіге көлік тоқтату/тұрақ ережесін бұзғаны, жол белгілері мен таңбалау талаптарын сақтамағаны және жолды белгіленбеген жерден өткені үшін айыппұл салынғанын хабарлады. Айыппұлдың нақты мөлшері көрсетілмеді.
Айта кетейік, желідегі пікірлерде видеодағы адам Ернар Айдар болуы мүмкін деген болжам айтылған.