Алатау аудандық Оқушылардың Инновациялы шығармашылық орталығында аналар мерекесіне арналған «Ана-гүл, Ана-жыр, Ана-өмір шуағы» атты бүлдіршіндердің шығармашылық концерті өтті. Алматы қаласы мектепке дейінгі білім беру ұйымының тікелей ұйтқы болуымен өткен өнер мерекесіне Алатау ауданының 21 бөбекжай-балабақшасы қатысып, өз өнерлерін ортаға салды. Аталмыш кеш «Анашым, сізге мың алғыс» атты көрмемен басталды.
Кештің мазмұнына сай қызылды-жасылды гүлмен көмкерілген сахна көктемнің келгенін білдіріп тұрғандай. Осынау сәтте кең залды құстың әні кернеп, наурызек құстың үні естілді. Ерекше әсермен осылай басталған кеш балаларының өнерін тамашалауға келген ата-аналардың көңілін көтеріп, жанын жадыратты.
Аталмыш кешті №183 бөбекжай-балабақша «Гүлдер» биімен ашты.
Ананың ұлылығы туралы «Ана» өлеңін оқыған №153 балабақша бүлдіршіндеріне көпшілік ризашылық білдірді. Кеш барысында №76 балабақша өнерпаздары «Әдемі ана», №1балабақша «Дарите женщинам цветы», №4 балабақша «Абзал ана», №177 балабақша «Ана мен бала», №148 балабақша «Ана өмір гүлі» №31 балабақша «Ана мен бала», №165 балабақша «Анашым-ай» әнін орындады. Бірнеше аспаптың үніне қосылған №150 бөбекжай өнерпаздары «Астана-думан» шығармасын орындады. Келесі кезекте №148 балабақшаның кішкентай бишілері «Ержүрек қыздар» биін, №78 бөбекжай-балабақша «Әке мен бала», №120 балабақшаның бишілері «Қуыршақтар», №161 балабақша «Текемет», №95 балабақша « Алатау» биін биледі.
Бұл кеште көне аспаптардың да күмбірі естіліп, №130 балабақша балақайлары халық әні «Илигай сәулемді» шертермен қосыла шырқады. Сонымен қатар, №164 балабақша қазақ күйлерінен, ал №84 бөбекжай-балабақша «Ана туралы» әндерден орындаған папурилері де сәтті шықты.
№197 балабақша «Келші, келші, балашым!»
Кеш Алатау аудандық білім бөлімінің мектепке дейінгі мекеме бас маманы Мәншүк Сәпинқызы мен балабақша меңгерушілері қосыла шырқаған «Алғыс әнімен өз мәресіне жетті.
Тақырыпқа орай:
Әлия Жолдасбекқызы, қалалық Білім басқармасының мектепке дейінгі бөлімінің басшысы:
- Көктем мерекесіне, абазал аналарымызға Алатау ауданы білім бөлімі үлкен тарту жасап отыр. Осы кеш барысында «Бала-Балабақша -Ата-ана» үштігінің тығыз байланыста екеніне куә болдық. Осынау кеш бойы тақымын қысқан ата-аналардың қуанышына куә болдық. «Бұлақ көрсең, көзін аш» демекші қаншама талантты балақайдың үлкен сахнадағы алғашқы тұсауы кесілді. Ата-аналардың қуанған сәтін көрудің өзі қуаныш. Біз сондай сәтке куә болдық. Бұл-мектепке дейінгі мекеме қызметкерлерінің тынымсыз еңбегінің жемісі.