Астанада екі күн бойы «Алтын домбыра» республикалық ақындар айтысы өтті.
Бұл жолы 16 ақынның ішінен топ жарған Мақсат Ақанов «Алтын домбыраның» иесі болды, деп хабарлайды Almaty-akshamy.kz
«Еңбек – ел ырысы» тақырыбындағы қарапайым еңбек адамдарына арналған республикалық ақындар айтысын «AMANAT» партиясының қолдауымен Мәдениет және ақпарат министрлігі ұйымдастырған.
Бас жүлдені иеленген қарағандылық Мақсат Ахановқа «Алтын домбыра» мен автокөлік берілді.
1-орын және «Айтыс ақтаңгері» атағы қызылордалық Мейірбек Сұлтанханға, 2-орын павлодарлық Аспанбек Шұғатайға бұйырды. 3-орынды ұлытаулық Төлеген Жаманов пен Батыс Қазақстан облысынан келген Жансая Мусина алды.
Сондай-ақ, жамбылдық Алина Айдаралы, Батыс Қазақстан облысының айтыскері Мұрадым Мейірланов пен алматылық Шұғайып Сезімхан арнайы жүлде иеленді. Айтысқа қатысқан барша ақынға қомақты сый-сияпат табысталды.