Алматының шығармашыл жастары референдумға баратын болды, – деп хабарлайды aqshamnews.kz тілшісі.
Алматыда алдағы референдум мен жаңа конституция жобасын әлі де талқылап жатыр. Бұл тақырып сарапшылар мен саяси ортада ғана емес, медиа саласы мен шығармашылық адамдарының арасында да осы туралы айтылып жатыр. Көпшілігі бүгінгі жастардың қысқа да нұсқа пікір білдіретінін, алайда сол сөздің артында үлкен сенім жатқанын атап өтті.
Актер Медет Аманбаев конституция жобасымен танысып шыққанын, құжат төңірегіндегі талқылауды бақылап отырғанын айтты. Оның сөзінше, қазақстандық сарапшылардың да, шетелдік бақылаушылардың да түрлі пікірі мен сараптамалық материалдары жарияланып жатыр. Ол оқыған материалдардың арасында еуропалық телерадио компаниясы Deutsche Welle жариялаған мақала да болған. Сол материалмен танысқаннан кейін, актердің айтуынша, ойы бірден өзгеріпті. Медет Аманбаев достарымен бірге референдумға баратын болды.
Журналист Венера Сәбиттің айтуынша, референдум – бұл жай ғана дауыс беретін күн емес, адамдардың байыппен пікір білдіретін күні де.
«Біз дауыс бергенде балаларымызға үлгі көрсетеміз. Бүгінгі біздің жауапкершілігіміз – олардың ертеңгі сенімі. Әркім өз шешімін өзі қабылдасын, бірақ ол шешім саналы болсын», – деп атап өтті тележүргізуші.
